Nigrán pertence á bisbarra do Val Miñor que, á súa vez, depende administrativamente da comarca de Vigo. Integra os concellos de Baiona, Nigrán e Gondomar, polos que discorre o río Miñor, curso ao que a bisbarra debe o seu nome e a súa especial orografía. Ten unha superficie aproximada de 145 Km² e a súa poboación ascende a uns 39.200 habitantes, dos que máis dun terzo pertencen ao concello de Nigrán.